الخصوصية في صلة

اللي ظاهر لأي حد

• أسامي العيلة والعلاقات بينهم في الشجرة
• وصف كل عيلة وعدد أساميها وأجيالها
• اللي طلب إن اسمه ما يظهرش بيتطمس اسمه في كل الموقع ومش بيوصل للصفحة خالص

اللي ظاهر لأهل العيلة بس

الأخبار والصور وتواريخ الميلاد والوفاة واللي العيلة بعتته واتوافق عليه. بيشوفها اللي دخل بجيميل واختار اسمه في الشجرة وأمين عيلته وافق عليه. والعيلة المرتبطة بتشوف الناس المشتركين بين العيلتين بس

الدخول بجيميل

لما تدخل بجيميل بناخد من جوجل اسمك وإيميلك وصورة حسابك بس. بيوصلوا لأمين عيلتك عشان يتأكد إنك من العيلة. ومش بنطلب أي صلاحية تانية على حسابك. ولما تختار اسمك بنطلب رقم موبايلك وسطر اختياري تعرّف فيه نفسك. الاتنين بيظهروا لأمين عيلتك بس عشان يكلمك ويتأكد إنك إنت. والموقع بيحفظ على جهازك ملف دخول واحد عشان تفضل داخل 30 يوم

أمين العيلة

لو أمين العيلة ساب رقم واتساب بيظهر بس للي بعت طلب انضمام لعيلته ولسه مستني. عشان يقدر يبلّغه إنه بعت الطلب

عدد الزيارات

بنعدّ كام جهاز فتح صفحة كل عيلة وإمتى. الجهاز بيتعرف برقم عشوائي بيتعمل عليه. مش بنسجل الآي بي ولا الاسم. ولو إنت داخل بجيميل بنعرف إن عضو شاف الصفحة عشان أمين العيلة يعرف أهل العيلة بيتابعوا ولا لأ

اللي بتبعته

أي إضافة أو تصحيح أو صورة بتبعتها بتتحفظ لحد ما أمين العيلة يراجعها. اللي بيترفض بيتمسح. وكل موافقة بيتسجل مين وافق عليها وإمتى

عايز تمسح حاجة؟

تقدر تطلب إخفاء اسمك من صفحتك في الشجرة. أو تطلب مسح حسابك أو أي حاجة بعتها من رقم الواتساب ده

+20 106 818 7346